basellafala

Animación, música e body percussion para celebrar o Entroido no instituto.  Participa no concurso de disfraz temático coa túa clase e elabora un folleto informativo da temática da comparsa.  O premio son 100 euros e unha tarde de cine e flocos de millo no insti.  Teremos criaturas mitolóxicas, tribus urbanas, a Santa Compaña, ambientacións dos anos 20 e 60, xentes do futuro, tribus africanas, entroido veneciano, oficios galegos, parellas famosas e moito máis...

Este martes 18 de Febreiro, un ano máis, participamos na convocatoria provincial da V Olimpiada Galega de Xeoloxía.  O noso compañeiro Nicolás Rey, conseguiu a mellor puntuación na categoría individual de 4º de ESO e recibiu  un pequeno agasallo.  Parabéns a todos e todas por participar!

Un curso máis, a Coordinadora de Equipos de Dinamización Lingüística do Salnés, convoca o concurso de adhesivos, desta vez, co lema: Redes Sociais e Lingua . Tedes ata o 20 de Xaneiro para presentar o voso deseño cun lema en galego que faga referencia ao tema proposto.  Hai premios en tódalas categorías.  Participade!!!

Premios no concurso de Fotografía Matemática  (María Ramos 4º ESO e Javier Mariño 3ºESO) Premios no concurso de Cartaces do Día da Ciencia (Claudia María y David Dios, 1º Bac)

O 12 de Novembro, e continuando coas celebracións do IV Día da Ciencia en Galego, o alumnado de 4º de ESO e 1º de Bacharelato asistirán a unha videoconferencia na que Jorge Mira nos falará de Como medir distancias e tamaños da Terra, o Sol e a Lúa  É unha actividade para todos os centros de Secundaria, organizada pola Coordinadora de Equipos de Dinamización Lingüística.