1 feb. 2017

Encontro con Manuel Vicente de Efervesciencia






Este 7 de Febreiro recibiremos no centro a visita do divulgador Manuel Vicente,
director do programa
 Efervesciencia da Radio Galega.







O alumnado de 1º e 2º da ESO recibirá da súa man unha charla sobre "Matemáticas e Natureza" e en 1º de Bacharelato, traballarán con el nun obradoiro de podcast de ciencia en teléfono móbil. 


 Disfrutaremos dunha interesante xornada de ciencia e radio en galego.

29 ene. 2017

Namórame en galego

Imos celebrar o mes do amor convocando un Concurso de Curtas de Amor na nosa lingua.

Grava unha mensaxe declarando o teu amor, e súbea ao padlet que creou o Departamento de Dinamización Lingüística "Namórame en Galego". Podes acceder a el escaneando o código QR dos cartaces ou directamente a través deste enlace. 

Anímate a participar e namóranos coa túa mensaxe.


30 nov. 2016

XXIII Certame de Adhesivos pola Normalización Lingüística

O lema deste curso para o Concurso de Adhesivos convocado pola Coordinadora dos Equipos de Dinamización Lingüística da Comarca do Salnés, é "Seres míticos con poderes superlingüísticos. Heroínas, heroes. os seres mitolóxicos galegos e o imaxinario popular".

Anímate a participar, recorda que o teu traballo debe incluír un texto inédito en galego alusivo ao tema proposto, que a técnica é libre, e que hai premios en varias categorías.

Tedes ata o 24 de Xaneiro para entregar os vosos traballos. 




3 nov. 2016

Día da Ciencia en Galego

Comezamos este curso celebrando, como todos os meses de Novembro, a ciencia en galego.

Aproveitando que este 2016 é o Ano Internacional dos Legumes, imos traballar sobre eles con axuda do material elaborado por Igaciencia. E ao fío dos legumes, adicámoslle o día á xenética, a Mendel e os seus famosos chícharos, e a Cruz Galléstegui, que introduce a xenética en España.

Por outra banda, achegámonos á ciencia a través da radio escoitando programas de Efervesciencia da radio galega, pois nos vindeiros meses,  teremos como convidado nas charlas científico-literarias, ao divulgador científico que dirixe este programa, Manuel Vicente.

11 jun. 2016

Revista A Batea

Xa temos o número 13 da revista A Batea con moitos artigos interesantes. Grazas a todos e todas as que fixéchedes posible este novo número. Botádelle un ollo aquí ou pedide algún exemplar impreso no insti. Que disfrutedes das vacacións...


17 may. 2016

Letras Galegas 2016

Para celebrar o Día das Letras Galegas, o alumnado de 1º da ESO botou a lingua fóra polo noso idioma, nunha carreira polo Terrón xunto co alumnado do Faro das Lúas.















Tamén teremos estos días unha busca do tesouro e exposicións sobre o homenaxeado deste ano no Día das Letras Galegas, Manuel María.

Feliz Día da nosa Lingua a todos/as!