Este 30 de Abril contaremos coa visita da xornalista científica Iolanda Casal que nos falará da "muller e ciencia nos medios de comunicación" . Iolanda Casal é Licenciada en Xornalismo e ten un Máster en Igualdade e Xénero. Traballa como xornalista pero tamén é escritora. Ten publicada unha obra en dous tomos "Investigadoras galegas", na que recolle a traxectoria de 100 investigadoras galegas. Recibiu ademais, o V Premio de Xornalismo Científico por unha serie de reportaxes de mulleres investigadoras. Ofreceranos un obradoiro no que traballaremos con noticias de prensa e veremos o tratamento que os medios de comunicación lles dan á ciencia e ás mulleres.