Charla con Daniel Soutullo "Panorámica da euxenesia"
Neste segundo Encontro Científico-Literario do curso contamos con Daniel Soutullo como convidado.
Daniel Soutullo é catedrático de Bioloxía e Xeoloxía de Ensino Secundario e colaborou no Departamento de Xenética da Facultade de Bioloxía da Universidade de Santiago de Compostela onde se licenciou.
Ten publicados multitude de ensaios de xenética e bioética como: "De Darwin ao ADN. Ensaios sobre as implicacións sociais da bioloxía", "La eugenesia. Desde Galton hasta hoy" , "Os xenes e o futuro humano", "Sobre clons e xenes. Ensaios sobre as implicacións sociais da bioloxía", "Biología, cultura y ética. Crítica de la sociobiología humana", "Las células madre, el genoma y las intervenciones genéticas. Ensayos sobre las implicaciones sociales de la biología"...
Recibiu o Premio de Investigación sobre Bioética da Fundació Víctor Grífols i Lucas (Barcelona), no ano 2006, polo libro titulado Biología, cultura y ética. Crítica de la sociobiología humana.
Ademais é membro de varios consellos e asociacións como o Comité Científico da European Association of Global Bioethics e participa como conferenciante en multitude de foros e institucións.
O alumnado de 1º de Bacharelato asistirá o vindeiro 28 de Maio a unha charla do noso convidado coa temática "Panorámica da euxenesia".
Comentarios
Publicar un comentario