Intercambio co IES AQUIS QUERQUENIS de Bande. Un día no Parque Natural Baixa Limia-Serra do Xurés
O luns, 29 de maio, o alumnado do centro que participou no intercambio de correspondencia en galego,
visitou ós seus compañeiros, e esperemos que a partir de agora amigos, do
instituto de Bande na Baixa Limia.
Bande está lonxe, levounos máis de 2 horas chegar, pero unha
vez alí fixemos unha chea de cousas: visitar o centro de interpretación da Cidá
–campamento romano Aquis Querquenis-; fomos á igrexa visigoda de Santa Comba; comemos
nas beiras do Río Caldo, en Lobios, onde algúns dos nosos alumnos gozaron coas
súas termas –por certo, que quente estaba a auga!-.
Rematamos o día facendo unha
pequena ruta ata chegar a unha fervenza onde nos pegamos un merecido baño na
súa poza. Só hai que ver as fotos para saber como o pasamos.
De volta tivemos que cruzar de novo o río Limia, aínda así, non “esqueceremos” este día.
Comentarios
Publicar un comentario